काठमाडौं, पुस १० ।
काठमाण्डौ । साहित्यकार हदयचन्द्र सिंह प्रधानको चर्चित उपन्यास एक चिहानमा आधारित नाटक ग्लोबल कलेजकै प्रेक्षालयमा ५१ औ शो सहित विशेष रुपमा मञ्चन गरिएको छ । उक्त शोमा करिव २००० भन्दा बढि विधार्थी र शिक्षकले नाटक अबलोकन गरेका थिए । उक्त शोमा केक काटेर ५१ औ शोको सफलता मनाएका थिए । नाटक मनोरञ्जनमा मात्र सिमित रहेन यसले समायानुकुल चेतना, शन्देस र शिक्षा पनि प्रवाह गर्ने गर्दछ ।
सोही कुरालाई मध्यनजर गर्दैै कल्पना थापाको निर्माण, हर्क मगरको नाट्य रुपान्तरणमा सागर कार्कीले एक चिहान नाटक निर्देशन गरेका हुन ।
मदन थापा, जेबी डि.सी., कल्पना थापा, रीता थापा, सानु पाण्डे, आशिष श्रेष्ठ, हेमन्त लामिछाने, श्याम कार्की, विप्लव खड्का, उज्बल राई, समिर आचार्य, कोहिनुर विश्वकर्मा, सागर कँडेल, गोविन्द खड्का, रश्मि गुरुङ्ग, अञ्जना दुलाल, प्रदिप विश्वकर्माको अभिनय गरेका छन भने लाइट, साउण्ड व्यवस्थापनमा राजु खतिवडा, सन्तोष ढकाल, गोविन्द खड्का लगायतले गरेका थिए । निर्माता तथा कलाकार कल्पना थापाका अनुसार नाटकले कक्षा १२ को अनिवार्य नेपालीमा समावेश उपन्यास भएकाले विधार्थीले विषयवस्तु सहज तरिकाले बुभ्न मद्दत पुगेको बताउनु भएको छ भन शैक्षिक प्रभाव तथा कथा संवादले विधार्थी तथा शिक्षकबाट सकारात्मक प्रतिक्रिया पाएको निर्देशक सागर कार्कीले बताउनु भएको छ । एक चिहान अहिले ओजश थिएटरमा निरन्तर मञ्चनमा रहेको प्रस्तुती हो । नाटकले काठमाण्डौ उपत्यकाका विभिन्न कलेज र शैक्षिक संस्थासँग सहकार्य गरेर कलेजमा र आप्नै थिएटरमा विशेष शो मञ्चन गर्दै आएको छ । ग्लोबल कलेजका अतिरिक्त क्रियाकलाप इन्चार्ज जय गौडलले पाठ्यक्रममा आधारित उपन्यासलाई नाटक मार्फत प्रत्यक्ष देखाउँदा फरक अनुभुती हुने र वुझाउन पनि धरै सजिलो हुने बताउनु भयो ।
